"ماء السمنة" من العلاجات التقليدية في الطب الهندي القديم، وهي مفيدة للبشرة خصوصا لو بتعاني من جفاف البشرة وبهتانها او عسر الهضم، حاجز البشرة بيتكون من الدهون، والسمنة بتمدها بالدهون الصحية بالاضافة لفيتامين A, E القابلين للذوبان في الدهون واللي بشرتك محتاجاهم عشان تحافظ على نضارتها، ومع اضافة كمان بذور الشيا هتحصلي على احماض اوميجا ٣ الدهنية وترطيب عميق للبشرة، وللاشخاص اللي بيعانوا من جفاف البشرة بشكل خاص التركيبة دي تستحق التجربة.
المكونات اللي هتحتاجيها:
- كوباية واحدة ماية دافية (ماتكونش سخنة دافية تقدري تتحملي تشربيها).
- معلقة صغيرة من السمنة البقري.
- ١/٢ معلقة صغيرة من بذور الشيا (اختياري ولكن ينصح بيها للحصول على فوايدها للبشرة).
التزمي في المكونات بمعلقة سمنة صغيرة بس، معلقة السمنة الصغيرة بتحتوي على حوالي ٤٥ سعرة حرارية، وزيادة كمية السمنة مش معناها زيادة النضارة.
طريقة التحضير:
١- انقعي بذور الشيا في ١/٤ كوباية ماية لمدة ١٠ دقايق لحد ما تتحول لجل وصفيها.
٢- هاتيكوباية الماية الدافية ضيفي لها السمنة وقلبيها لحد ما السمنة تدوب وتتكون طبقة دهبية رقيقة على الوش.
٣- ضيفي بذور الشيا المنقوعة، وقلبي الخليط واشربيه الصبح على معدة فاضية، واستني من ٢٠ - ٣٠ دقيقة قبل الفطار.
٤- كرريالعملية دي يوميا لمدة اسبوعين لتلات اسابيع على الاقل، لان خلايا الجلد بتتجدد شهريا، وهتلاحظي تحسن في الهضم خلال الاسبوع الاول بالكتير.
فوايد الخليط:
- السمنة بتوفر الدهون اللي بشرتك محتاجاها، وجفاف البشرة وخشونتها وبهتانها بيكون ناتج غالبا عن مشكلة في حاجز البشرة، والحاجز ده بيتكون من الدهون، والسمنة بتوفر الدهون المشبعة وفيتامينات A, E والاتنين الجسم بيمتصهم بشكل افضل مع الدهون.
- السمنة كمان بتحسن حركة الامعاء، وبتحسن الهضم.
- بذور الشيا مصدر غني لاحماض اوميجا ٣ اللي بتدعم صحة البشرة وبتساعد على ترطيبها بعمق.
نتايج الخليط:
في احسن الاحوال، هتلاحظي تحسن في جفاف البشرة وتقشر اقل خلال اسبوعين لتلات اسابيع، والبشرة هتبقى اكتر نضارة، وهتحسي بنشاط افضل الصبح.
مين اللي يتجنب المشروب ده؟
لو بتعاني من ارتفاع الكوليسترول، او مشاكل في المرارة، او عايزة تقللي وزنك، استشيري الدكتور الاول قبل اضافة السمنة لنظامك الغذائي، او احسبيه ضمن كمية الدهون اليومية بدل ما تضيفيه ليها وتبقى دهون زيادة.
لو بشرتك دهنية ومعرضة لحب الشباب المشروب مش هيتسبب في ظهوره تقدري تشربيه من غير قلق.
عرضنا لكم زوارنا الكرام أهم التفاصيل عن خبر اشربي الماية الدافية مع السمنة كل يوم الصبح لترطيب ونضارة البشرة على دوت الخليج فى هذا المقال ونتمى ان نكون قدمنا لكم كافة التفاصيل بشكل واضح وبمزيد من المصداقية والشفافية واذا اردتكم متابعة المزيد من اخبارنا يمكنكم الاشتراك معنا مجانا عن طريق نظام التنبيهات الخاص بنا على متصفحكم او عبر الانضمام الى القائمة البريدية ونحن نتشوف بامدادكم بكل ما هو جديد.
كما وجب علينا بان نذكر لكم بأن هذا المحتوى منشور بالفعل على موقع بنات حوا وربما قد قام فريق التحرير في دوت الخليج بالتاكد منه او التعديل علية اوالاقتباس منه او قد يكون تم نقله بالكامل ويمكنك قراءة ومتابعة مستجدادت هذا الخبر من مصدره الاساسي.
