مثال الجدعنة والدعم لكل اللي حواليها، ممكن حياتها كل تقف لمجرد انها بتساعد صديق في محنة او مشكلة، شخصية حساسة جدا وبتكره الصدام وبتتجنبه على اد ما تقدر، وبرغم من حبها للحب وتقديرها لمشاعر الحب وعشقها للوقوع في الحب الا انها تقيلة وبتعرف تتهرب كويس اوي وتبقى غامضة في احيان كتير لغاية ما تحس بالامان وساعتها بس بتبقى كتلة من المشاعر الجياشة، مبدعة جدا ومبتكرة غالبا لها هواية في الكتابة او الموسيقى او الرسم، وتحب تعبر عن مشاعرها للناس اللي حواليها طول الوقت. كل الصفات دي بتأثر في طريقة لبسها ويتحدد استايل هدوم انثى برج الحوت
الاختيارات الرومانسية
اختياراتها في الالوان نابعوة من مشاعرها الرومانسية بتحب كل درجات الازرق والبينك والاخضر الفاتح والاخضر الفيروزي واللافندر، اما الاستايل فأي حاجة لطيفة وانثوية ورقيقة بتليق عليها، بتميل لاختيار الاقمشة الناعمة سواء من الحرير او القطن وبتحب تلبس الفساتين والسكيرت اكتر من لبس البنطلون مع ان لما الظروف بتفرض عليها لبس البنطلون بتختار موديلات في منهى الرقة والوان ونقشات رومانسية وشيك، وغالبا بتفضل تلبس الكعوب بمختلف اشكالها.
انثى الحوت والكاجوال
اختياراتها في اللبس بتعبر عن شخصيتها الحيوية المحبة للحياة، بتحب الهدوم المنقوشة برسومات القلوب والنجوم والورود بس بشكل رقيق مش بطريقة مبتذلة او صاخبة، ولو حتختار فستان يبقى لازم يكون له قصة رقيقة ممكن اميل للطفولية كمان منها للانثوية اما لو لبست بنطلون تحب تلبس معاه تونيك ناعم من خامة لطيفة وقصة رقيقة مش بتميل لموضة البوي فريند والاوفر سايز اوي ولو لبستها لازم بتضيف لها لمسة انثوية او طفولية
اختياراتها للسهرات
انثى الحوت من اكتر الناس اللي بتعرف تظبط لووك السهرات بالرغم من ان اختياراتها دايمة تعتبر مش كلاسيكية او متوقعة الا انها بتعرف تعمل استايل نلفت جدا وتبقى محط انظار الجميع، اولا هي مش بتلزم نفسها بالفستان في السهرة ممكن جدا تلبس انسامبل او جامب سوت، تاني حاجة الالوان بتبعد عن الاختيارات الكلاسيكية في السهرات غالبا بتبعد عن المطرز والمرصع بكل اشكاله لكنها بتميل للهدوم اللي اللعب فيها في القصة او الخامة زي الدانتيل والجيبير او الساتان مع الشيفون او غيرها من الطرق اما لو كانت حفلة اوبن اير او كوكتيل فحتكون صاحبة اجمل فستان لأنها دايما تحب الهدوم الملونة الحيوية اللي مليانة رقة وطفولة البعيدة عن الصخب والابتذال
الاكسسوارات
لو حنتكلم عن التنوع في اكسسوارات انثى الحوت حنلاقي الموضوع مالهوش نهاية، بتحب كل انواع واشكال الاكسسوار المهم يكون ملون وموديله مميز جدا، بتلبس كل الخامات الدهب والفضة والالماظ واللؤلؤ واالاحجار والخرز، وبالنسبة للالون تحب كل درجات البحر الازرقات والاخضرات والفيروزي والموفات والاورانج والابيض، وبتحب اوي تلبس الاسكارف والفولار وبتختار استايلات لبس متنوعة لهم وخامات وطبعات مختلفة لأنها بتعتبرهم من اساسيات الطقم بتاعها، ومعندهاش مانع انها تكمل اطلالتها بحزام ملون ورقيق لو كانت لابسة تونيك او فستان سادة.
بالتأكيد كل حد فينا له ذوقه الخاص وطريقته في اختيار لبسه اللي بتحددها عوامل كتيرة جدا ووبتدخا فيها اسباب مختلفة لكن في النهاية دي كانت السمات العامة المشتركة لاستايل هدوم انثى برج الحوت اما عن كل ما يخص برج الحوت تقدري تشوفيه من هنا
عرضنا لكم زوارنا الكرام أهم التفاصيل عن خبر استايل هدوم انثى برج الحوت على دوت الخليج فى هذا المقال ونتمى ان نكون قدمنا لكم كافة التفاصيل بشكل واضح وبمزيد من المصداقية والشفافية واذا اردتكم متابعة المزيد من اخبارنا يمكنكم الاشتراك معنا مجانا عن طريق نظام التنبيهات الخاص بنا على متصفحكم او عبر الانضمام الى القائمة البريدية ونحن نتشوف بامدادكم بكل ما هو جديد.
كما وجب علينا بان نذكر لكم بأن هذا المحتوى منشور بالفعل على موقع بنات حوا وربما قد قام فريق التحرير في دوت الخليج بالتاكد منه او التعديل علية اوالاقتباس منه او قد يكون تم نقله بالكامل ويمكنك قراءة ومتابعة مستجدادت هذا الخبر من مصدره الاساسي.
