الارشيف / صحة

طريقة عمل شوربة مينستروني الايطالية

وصفة شوربة مينستروني الايطالية سريعة وصحية ، ومن الوصفات اللذيذة جدا ، وغنية بالنكهة ومغذية لان داخل فيها مجموعة مكونات كتير ، تعالوا نشوف الطريقة بالخطوات.

وصفة شوربة مينستروني الايطالية:

المقادير:

1- 114 جرام بيكون بقري متقطع مكعبات.

– 2 معلقة كبيرة زيت زيتون.

– ½ معلقة صغيرة شطة.

– 1 بصلة كبيرة متقطعة مكعبات.

– 2 سيقان كرفس متقطع مكعبات.

– 3 حبات جزر كبيرة ، متقطعة مكعبات.

– 1 ½ كوباية فاصوليا خضرا متقطعة قطع صغيرة.

– 6 فصوص ثوم مفرومين.

– 2 معلقة صغيرة توابل ايطالية.

– 5 معالق كبيرة صلصة طماطم.

– 800 جرام طماطم متقطعة.

– 800 جرام طماطم مهروسة.

– 4 كوبايات شوربة فراخ.

– 4 كوبايات شوربة لحمة بقري.

– 850 جرام فاصوليا بيضا او حمرا مسلوقة (وممكن تستخدمي النوعين مع بعض).

– 1 ½ كوباية مكرونة صغيرة.

– 2 كوباية سبانخ طازة.

– ¼ كوباية ريحان طازة مفروم.

– ¼ كوباية عصير ليمون (حوالي 1 ليمونة).

– ملح وفلفل اسود حسب الذوق.

– ½ كوباية جبنة بارميزان مبشورة.

شوربة مينستروني الايطالية

طريقة التحضير:

1- في حلة كبيرة على نار متوسطة ، ضيفي معلقة كبيرة زيت وضيفي لها البيكون البقري حمريه لمدة 6 دقايق لحد ما يبقى مقرمش ، طلعي البيكون في طبق وسيبيه على جنب ، ضيفي باقي كمية زيت الزيتون والبصل وقلبيه لحد ما يطرى ولونه يبقى شفاف حوالي 5 دقايق ، ضيفي الكرفس, الجزر, الفاصوليا الخضرا ، وقلبيهم لحد ما يطروا حوالي 8 دقايق ، ضيفي الثوم لحد ما ريحته تطلع حوالي 30 ثانية ، ضيفي صلصة الطماطم والتوابل الايطالية.

2- ضيفي الطماطم المتقطعة والمهروسة, شوربة الفراخ, شوربة اللحمة ، قلبي كل المكونات مع بعض كويس وسيبيهل لحد ما تغلي وقللي الحرارة لمتوسطة منخفضة وسيبيها تغلي لمدة 15 دقيقة, ضيفي الفاصوليا المسلوقة, المكرونة ، قلبيهم مع بعض وسيبيها لحد ما المكرونة والخضار يستوي ، لمدة 10 دقايق تقريبا ، ضيفي السبانخ وقلبي لحد ما تدبل ، لمدة 1 دقيقة تقريبا ، ارفعيها من على النار وضيفي الريحان, عصير الليمون, وتبليها بالملح والفلفل حسب الذوق.

3- اغرفي من الشوربة في طبق التقديم ورشي على الوش البيكون المحمر والجبنة البارميزان المبشورة، وتتقدم سخنة.

طريقة عمل وصفة يخنة اللحمة مع الخضار

عرضنا لكم زوارنا الكرام أهم التفاصيل عن خبر طريقة عمل شوربة مينستروني الايطالية على دوت الخليج فى هذا المقال ونتمى ان نكون قدمنا لكم كافة التفاصيل بشكل واضح وبمزيد من المصداقية والشفافية واذا اردتكم متابعة المزيد من اخبارنا يمكنكم الاشتراك معنا مجانا عن طريق نظام التنبيهات الخاص بنا على متصفحكم او عبر الانضمام الى القائمة البريدية ونحن نتشوف بامدادكم بكل ما هو جديد.

كما وجب علينا بان نذكر لكم بأن هذا المحتوى منشور بالفعل على موقع بنات حوا وربما قد قام فريق التحرير في دوت الخليج بالتاكد منه او التعديل علية اوالاقتباس منه او قد يكون تم نقله بالكامل ويمكنك قراءة ومتابعة مستجدادت هذا الخبر من مصدره الاساسي.

قد تقرأ أيضا