الارشيف / صحة

6 علامات مفاجئة للحمل معندكيش فكرة عنهم

مافيش شك ان وقت الحمل على قد تعبه بيكون اسعد وقت لاي واحدة ، ولكن غالبا الوقت بتظهر معاه اعراض غريبة ومزعجة في بعض الاحيان ، وبعضها ممكن يظهر في مرحلة مبكرة جدا ، حتى قبل ما تظهر نتيجة اختبار الحمل الايجابية ، من طعم غريب في الفم لحد الاحساس بالدوخة ، وكتير من الاعراض المزعجة اللي هتمر عليكي خلال فترة الحمل ، والنهاردة من خلال موضوعنا هنشارك معاكم 6 علامات للحمل ممكن ميكونش عندك فكرة عنهم قبل كده.

علامات للحمل:

1- قعدة التواليت هتتحول للون الازرق:

لو لاحظتي وجود بقع زرقا على قعدة التواليت ، دي ممكن تكون علامة على الحمل ، وعلى الرغم من عدم وجود تفسيرات علمية للموضوع ده ، الا انه كتير من الامهات بيلاحظوا ان قعدة التواليت بتاعتهم بتتحول للون الازرق ، وده ممكن يكون سببه ان الطلاء المضاد للبكتيريا على قعدة التواليت بيتفاعل مع هرمونات الحمل ، كمان فيتامين من قبل الولادة بيتسبب في حدوث تغيرات هرمونية في جسمك ، واللي بدورها ممكن تأثر على لون قعدة التواليت.

علامات للحمل

2- الاحساس بطعم معدني في الفم:

النساء الحوامل عادة بيحسوا برغبة شديدة في الاكل ، ولكن لو حسيتي بطعم المعدن في الفم ، في سبب علمي ورا ده ، وهو انه هرمونات الحمل في جسمك بتأثر بطرق مختلفة ، وممكن زيادة هرمون الاستروجين والبروجسترون تأدي للحصول على طعم معدني في الفم ، ولحسن الحظ انك تقدري تتخلصيمنه بسهولة عن طريق مضغ اللبان او اكل حاجة مالحة.

3- تورم اللثة:

لو لاحظتي ان لثتك بقت حساسة اكتر من اي وقت تاني ، فأحتمال انك تكوني حامل ، لان الحمل بيأثر على تدفق الدم في جسمك ، وده  بيسبب تورم اللثة ونزيفها ، اتأكدي من استخدام خيط الاسنان مرة واحدة على الاقل يوميا واستخدام فرشة اسنان شعيراتها ناعمة للتخفيف من الاعراض.

4- الاحساس بحرقة في المعدة:

ممكن يظهر احساس حارق مزعج في وسط منطقة الصدر بعد اكل وجبة حراقة اوي ، ولكن ده كمان ممكن يكون علامة للحمل ، لانه في الحقيقة عسر الهضم عرض شائع جدا اثناء الحمل لان الطفل طول فترة نموه بيضغط على معدتك ، ولتخفيف الاحساس ده ، حاولي التقليل من الكافيين واكل وجبات صغيرة على فترات بدل من الوجبات التلاتة الكبيرة في اليوم.

5- هتحسي بالانتفاخ:

الانتفاخ تقريبا من اول علامات الحمل ، لان الجسم بيرتفع فيه مستويات البروجسترون ، وده هيخليكي تحسي بالانتفاخ حتى في بداية الحمل ، لان البروجسترون بيبطيء عملية الهضم ، عشان يسمح الطفل انه ياخد معظم العناصر الغذائية اللي محتاجها وده هيخليكي تحسي بالانتفاخ.

6- الاحساس بالدوخة:

الدوخة اللي بتحسي بيها اول ما تصحي من النوم تعتبر من اول علامات الحمل ، لان زيادة تدفق الدم ممكن يأثر على ضغط الدم ، وده هيخليكي تحسي بدوخة ، ولكن مافيش داعي للقلق من الاحساس ده لانه وقتي وبيروح لوحده.

5 علاجات منزلية فعالة لمنع الغثيان والقيء اثناء فترة الحمل

عرضنا لكم زوارنا الكرام أهم التفاصيل عن خبر 6 علامات مفاجئة للحمل معندكيش فكرة عنهم على دوت الخليج فى هذا المقال ونتمى ان نكون قدمنا لكم كافة التفاصيل بشكل واضح وبمزيد من المصداقية والشفافية واذا اردتكم متابعة المزيد من اخبارنا يمكنكم الاشتراك معنا مجانا عن طريق نظام التنبيهات الخاص بنا على متصفحكم او عبر الانضمام الى القائمة البريدية ونحن نتشوف بامدادكم بكل ما هو جديد.

كما وجب علينا بان نذكر لكم بأن هذا المحتوى منشور بالفعل على موقع بنات حوا وربما قد قام فريق التحرير في دوت الخليج بالتاكد منه او التعديل علية اوالاقتباس منه او قد يكون تم نقله بالكامل ويمكنك قراءة ومتابعة مستجدادت هذا الخبر من مصدره الاساسي.

قد تقرأ أيضا